AZKEN HAUSNARKETA

Bueno ba, heldu da irakasgaiari buruzko hausnarketa orokorra egiteko ordua. Zenbait aste igaro dira lauhilekoa hasi genuenetik, eta esan beharra daukat hasieran neukan ustea aldatu egin dela nahikotxo. Ez naiz oso informatika zalea, ez naiz oso ondo konpontzen teknologia berriekin, eta bereziki, ordenagailuekin. Beraz, irakasgai hau hasi baino lehen oso ondo moldatuko ez nintzela eta aspergarria egingo zitzaidala pentsatzen nuen. Baina asteak joan eta etorri ahala, oso irakasgai interesgarria iruditu zitzaidan eta entretenigarria, eta ikusi nuen, ez nintzela hain txarto moldatzen irakasleak eskatzen ziguna egitean.

Lan egiteko moduari dagokionez, nire balorazioa oso positiboa da.

Alde batetik, saio teorikoetan, aurkezpenen bidez lan egitea modu desberdin eta interesgarria iruditu zait, izan ere, talde bakoitzak gai bat landu behar izan du, eta klasearen aurrean ahalik eta ondoen azaltzen saiatu da. Orain arte egindakoarekin konparatuta, hau da, irakaslearen azalpena entzuten egon behar izana denbora osoan, metodo hau gehiago gustatu zait, eta adiago egoten lagundu dit. Gai batzuk besteak baino interesgarriagoak iruditu zaizkidan arren, ondo aukeratuta egon direla uste dut, eta oso erabilgarria izan da eurei buruzko azalpena entzutea, etorkizunean kontuan hartzeko moduko kontzeptuak ikasi baititugu.

http://hablaenpublicoconpoder.com/blog/reglas-de-diseno-para-presentaciones-efectivas.html

Saio praktikoetan egindakoa oso baliagarria izan da, eta gainera, era aktibo batean lan egiteak, arreta jartzea erraztu du, bai eta gure interesa piztea ere. Saio hauetan landu ditugun programan bereziki erabilgarriak izango dira, umeekin lan egiteko moduko hainbat tresna ezagutu ditugulako, eta eskolara teknologia berriak eramatearen garrantzia ulertu ahal izan dugulako. Irakasleak askotan aipatu digun bezala, aurten landutakoarekin bakarrik ez da nahikoa izango, izan ere, teknologia berriak aldatuz eta berrituz doazen heinean, hekuntzarako erabilgarri diren tresnak ere aldatuz doaz, eta horretarako beharrezkoa da irakasle guztiak tresna berri horietan trebatzen joatea. Lauhileko honetan landu duguna, oinarri sendoa izan daiteke etorkizunean topatuko dugunarekin jarduteko.

http://www.ticbeat.com/general/por-favor-facebook-fuera-trabajo/

Blogarekin lan egitea oso modu polita iruditu zait. Nahiz eta eskolan blogekin aritu nintzen, orain arte ez dut ondo jakin nola funtzionatzen zuten, eta blog propioa izateak asko lagundu du horretan. Ideia ona izan da blogean gure asteroko hausnarketan idaztea, horrela egindako lanaren jarraipen egokia egin daiteke, eta guk ere, egin dugunaz pentsatzeko aukera izan dugu, gure balorazioak eginez, eta gure ideiak azaldz.


Beraz, laburbilduz, oso gustora ibili naiz irakasgai honetan, eta hasieran neukan ideia guztiz aldatu da. Teknologia berriekiko nire ezagutza handitu egin da, eta nahiz eta oraindik asko daukadan ikasteko, irakasgai hau benetan baliagarria izan da. Hezkuntza teknologia berrien beharra argi dagoela ikusi dut, eta tresna baliagarri asko daudela umeekin horiek lantzeko. Irakasleak prestatu beharra dago, etorkizunean ikasleek ezagutuko dutenarekin laguntzeko, eta gogoan izan behar da, prestakuntza horrek ez duela etenik, teknologia berrien aldaketa eta garapenak etenik ez duen bezala. Honekin, beraz, ez da nire prestakuntza amaitzen, eta IKTen inguruan informatzen eta hezten jarraituko dut, etorkizunean irakasle ona izateko xedearekin.

8. SAIOA

Heldu da lauhileko honetako azken astea, eta horrekin batera, IKT irakasgaiaren azken bi saioak.

Teoriako saioan, azken hiru taldeek euren aurkezpena egin dute. Lehen taldea Mooc-i buruz aritu da, zer den (dohainik eskaintzen diren onlineko ikastaroak dira), kontzeptuaren jatorria, motak, abantailak eta deabantailak eta horrelakoak azalduz, baita Lehen Hezkuntzarako erabilera eta etorkizunerako aukerak aipatuz.

Bigarren taldeak egin duen aurkezpena, guztiekin konparatuta oso desberdina izan da. Power Pointeko diapositibez lagundutako ohiko azalpena beharrean, galdera lehiaketa bat egin dute, ikasleoi erantzuteko aukera emanez; galdera bakoitzaren ostean erantzunaren zergatia azaldu dute. Aurkezpen dibertigarria iruditu zait, modu originalean egindakoa. Talde honek IKTen erabilera eskolan azaldu du, eta hurrengo taldeak ere gai horri jarraipena eman dio.

Esan bezala, azken taldeak egindako aurkezpena eskolan IKTen erabilerari buruzkoa izan da, eta hauek, horretarako dekalogoa aurkeztu digute; hau da, zer egin beharko litzatekeen IKTen erabilera egokia egiteko.

Azken aste honetako saio praktikoa, ohikoa baino laburragoa izan da. Hasteko, QRen inguruan aritu gara. QRa bi dimentsiotako barra kodea da, eta link bat izango balitz bezala funtzionatzen du. Askotan ikusiak nituen, eta banekien eskuko telefonoarekin informazio hori gorde genezakeela, baina ez nekien nola sortzen ziren. Horretarako, guk UNITAG programaren bitartez, gure blogeko kodea sortu dugu, eta ondoren, gure blogean txertatu. Nirea, blog honen eskuma aldeko zutabean agertzen da.

Horren ostean, irakasleak WORDLE programa azaldu digu apur bat, eta azaletik ikusi ahal izan dugu zertarako balio duen. Nolabait esateko, hitzez osatutako hodei bat sortzeko balio du, lan bteko hitzik errepikatuenak azaltzen dituena, ideia nagusi moduan erabiltzeko. Hona hemen kontzeptua hobeto ulertzen lagunduko dizuen irurdia:

http://www.wdyl.com/#wordle

Hori azaldu eta gero EASELLY ezagutu dugu. Honek aukera ematen digu irudi bat sortzeko, eskema, testu eta grafikoak erabiliz. Hona hemen nik sortutako proiektua:





easel.ly

Hau sortzeko, programak eskeintzen zidan plantilla bat erabili eta euskarara itzuli dut, eta ondoren irudiaren kolorea aldau dut. Tresna egokia iruditzen zait ume nagusiekin erabiltzeko DBHko ikasleentzako adibidez, baina ez nuke Lehen Hezkuntzarako aplikatuko, izan ere grafikoak sortzea zailegia izan daiteke eurentzako.

Klasea amaitzeko, PLE, MOOC eta LSM kontzptuak landu ditugu, hasieran aalpen labur baten bidez, eta bideo baten bidez gero.

PLE: Personal Learning Enviroment
MOOC: Massive Online Open Course. Ikastaro irekia da.
LSM: Learning Managment System. Egela, moodle bezalakoak. Ikaskuntza kudeatzeko sistemak dira.

Kontzeptu horiek hobeto barneratzeko honako bideo hau ikusi dugu:

Bueno ba, hau izan da azken saioa, baina oraindik ere beste azken sarrera bat egingo dut, lauhileko honetan egindakoari buruzko hausnarketa orokor bat egiteko. Beraz, geroarte!

7. SAIOA

Kaixo denoi berriro ere!

Azken aurreko astea dugu hau, eta lauhilekoa amaitzear dago...
Aste honetako saio magistralean, hiru aurkezpen prestatuta zeuden arren, birentzako denbora besterik ez da egon.

Lehen taldeak web 2.0ri buruzko artikulu bat aurkeztu digu, eta bertan web 1.0 eta web 2.0ren arteako aldeak azaldu dizkigute. Web 3.0ri buruz ere aritu dira amaieran, eta horraino heltzeko prozesua azaltzeaz gain, zein onura izango dituen ere aipatu dute. Aurkezpen ona egin dutela iruditu zait, eta informazio baliagarria helarazi digutela, izan ere, gauza berriak ikasteko aukera egon da.

Hurrengo taldea, e-learning-ari buruz aritu da. Kontzeptu honek urruneko formazio ereduari egiten dio erreferentzia eta honen bidez, pertsona batek ikastaro bat egin dezake, munduko edozein lekutatik. Haren ezaugarriak ere aipatu dituzte, eta besteak beste, honakoak dira: heziketa lagundua egiten da, edukiak eguneratuta daude, ikaslea erdigunea da eta komunikazioa errazagoa da. Lehen hezkuntzan e-learning-a nola txertatu dezakegun ere azaldu digute, izan ere, gehienbat unibertsitatean eta zikloetan erabiltzen den tresna da.

Praktiketako saioan, hasteko, HOT POTATOES programa erabilten ikasi dugu. Honek, zenbait ariketa ezberdin sortzeko aukera ematen digu, lotzeko ariketak, gurutzegramak, letra-sopak... Oso programa erabilgarria iruditu zait, ariketa sinpleak sortzeko aukera ematen duelako eta gainera, eskolako umeekin erabiltzeko oso tresna dibertigarria iruditzen zaidalako. Hau erabiltzen ikasteko, bikoteka jarri eta ariketa bat prestatu dugu. Ariketa honetan Europako zenbait herrialde ageri dira, eta aukeren artean dagokion hiriburua hautatu behar da. Hona hemen ariketa:

http://uk3.hotpotatoes.net/ex/129824/EKUTXXLY.php?password=password

http://hot-potatoes.softonic.com/

Hurrengo landu dugun programa PIXTON izan da. Honekin gure gustuko komikiak sor ditzakegu. Ohi bezala bikoteka jarri eta saltzeatzen ibili gara. Hau da guk sortu dugun komikia, ez dugu lortu beste modu batean txertatzea, eta horregatik, irudi moduan jarri dugu.

Ondoren, ISSU ikusi dugu, eta harekin batera, CALAMEO. Biak ere, online eskeintzen diren zerbitzua dira, norbere dokumetuak eta halakoak bertara igo eta gero horiek ikusteko aukera ematen dutenak. Guztion artean landu ditugu apur bat, klaseko pertsona bat ordenagailu nagusian sltzeatzen ibili da, guztiok programa horien erabilera ikusteko.

Klasearekin amaitzeko PODCAST-ak landu ditugu. Horretarako klase erdiak, GOEAR programa erabili dugu eta besteek PODERATO. Goear-en bidez, edozein audio igo daiteke, eta horrela edonork bila dezake. Frogatzen ibili gara, eta abestiak edo guk grabatutako audioak igo ditugu.

Aste honetako saio praktikoa nahiko entretenigarria izan da, batez ere lehen bi programak erabili ditugunean. Erabilgarriak iruditu zaizkit, horrela umeek era aktibo eta dibertigarri batean ikasi ahal izango dute, eta motibatuago egongo dira.

Datorren astean azken saioa egingo dugu, beraz, hurrengora arte!

6. SAIOA

Astero bezala, saio magistralean, gai teorikoen aurkezpenekin jarraitu dugu. Bi taldek gai berdinaren inguruko azalpena egin dute, Interneteko arriskuei buruzkoa.

Lehen taldeak, Interneti buruzko sarrera txikia egin du, haren inguruko onurak aipatuz, baina ondoren egokitu zaien gaiean sakondu eta honek dituen arriskuak azaldu dizkigute. Batez ere, adin txkikoek dituzten arriskuetan zentratu dira, eta zenbait mota azaldu dizkigute: alde batetik, umeek pertsona nagusi batekin hitz egitean duten arriskuak bereizi dituzte, eta bestetik, lege alderdiarekin zerikusia dutenak (Interneten esaten denak norbait mintzen duenean, edo egindakoa legez kontrakoa denean).

Bigarren taldeak ere, ideia horiek errepikatu ditu, baina segurtasuna bermatzeari buruz aritu dira, eta eskolaren zeregina interneteko arriskuen aurrean zein izan beharko litzatekeen. Honako hau da eskolak egin dezakeena: Internenetn inguruko interesa adierazi eta ikasleek sarean egiten /lortzen dutena eztabaidatu; Interneteko segurtasunaren gaia curriculumean txertatu; eskoletan sarea arduraz erabiltzen irakatsi material didaktiko egokiak erabiliz; IEP prestatu, ezarri eta berrikusi. Posta elektronikoaren eskola erabilerari buruz ere aritu dira.

Aste honetako gaiak oso interesgarriak iruditu zaizkit, batez ere, Interneteko arriskuak era argiago batean ikusi ditudalako, eta etorkizuneko irakasle bezala, horien aurrean nola joka dezakedan ikusi ahal izan dudalako.

Saio praktikoan hezkuntza software-en inguruan aritu gara. Horretarako, ARDORA programa jorratu dugu, errefortzu ariketa bezala interesgarria dena eta zenbait ariketa euskaraz sortzeko aukera ematen duena. Letra sopak, puzzleak...eta halako ariketak sor ditzakegu, eta ueek era aktibo batean ikas dezakete honekin, eta euren hizkuntzan.

Ondoren,  JCLIC/CLIC programekin ibili gara. Bigarrena lehenengoa baino zaharragoa da, eta JCLIC Javaren bitartez erabili behr da. Guztion artean bertako matematika ariketa batzuk egin ditugu, eta gero progrma horrekin saltzeatzen ibili gara.

Atsedenaldiaren ostean, EDUCAPLAY erabili dugu, eta bikoteka ariketa batzuk sortu ditugu. Hemen uzten dizkizuet guk egindakoak:

http://www.educaplay.com/es/recursoseducativos/1668093/bilatu_bilatu.htm

http://www.educaplay.com/es/recursoseducativos/1668065/europa__herrialdeak.htm

Irakasleak HOT POTATOSen inguruko azalpen laburra eman du, beranduago landuko dugun programa izango delarik.

Azkenik, STORYBIRD landu dugu. Programa honek ipuin bat sortzeko aukera ematen digu, irudien bitartez lagunduta doana. Oso programa polita iruditu zait, baina zenbait akats ikusi dizkiot. Horietako bat, jar daitezkeen irudiak nahiko murriztuak direla da, izan ere, ez dago aukera handirik, eta ezin da edozein irudi jarri, hor agertzen direnak jartzeko aukera bakarrik dago. Hona hemen nik sortu dudan ipuina:

https://storybird.com/chapters/pardi-ardia/?token=9bepu64mpe

Aste honetako saioak oso interesgarriak iruditu zaizkidala aipatu behar dut, izan ere, gauza berri asko ikasi ditut.
Besterik gabe, hurrengo astean bueltatuko naiz!